धनकुटा । महालक्ष्मी नगरपालिका-५ बरडाँडानजिक विद्युतीय माइक्रो गाडी दुर्घटना हुँदा दुईजना घाइते भएका छन् । इटहरीबाट भोजपुरतर्फ जाँदै गरेको प्रदेश १-०२-००१ ज ४२७६ नम्बरको यात्रुबाहक माइक्रो आफैं अनियन्त्रित भइ सडकबाट तल खसेको प्रहरीले जानकारी दिएको छ ।

उक्त गाडी बिहिवार अपराह्नमा भएको  दुर्घटनामा सुनसरीको इटहरी उपमहानगरपालिका-४ की ३५ वर्षीया कल्पना दाहाल र भोजपुरको भोजपुर नगरपालिका-७ की २३ वर्षीया सीमा राई घाइते भएका छन ।
दुर्घटनामा पर्ने दुवैको स्थानीय स्वास्थ्य संस्थामा उपचार गरिएको प्रहरीले बताएको छ । गाडी चालक भोजपुरको भोजपुर नगरपालिका- ८ का ४० वर्षीय बिपिन नेपाललाई लेगुवा स्थित प्रहरी चौकीले अनुसन्धानका लागि नियन्त्रणमा लिएको छ ।