तेह्रथुमको छथर गाउँपालिका ओख्रेबाट खाधान्न सामग्री बोकेर शुक्रबारे जाँदै  गरेको प्र. ०२-००२-ख ८७९० नम्बरको मिनी ट्र्क  मंगलबार दिउँसो  निसान  स्कुल छेउमा  दुर्घटना हुँदा तीन जना घाइते भएका छन ।

उक्त दुर्घटनामा घाइते हुनेहरु, ट्रकका चालक धनकुटा छथर जोरपाटी पाच घर भई वर्ष २१ का उत्तम दर्नाल,सह-चालकहरु तेह्रथुम लालिगुरास नगरपालिका घर भई २३ वर्षीय मिलन पाँचकोटी र मोरङ स्थित बेलबारी ७ का २० वर्षीय झमक थापा रहेका छन ।

दुर्घटनामा परेका घाइतेहरुको छथर अस्पतालमा उपचार भइरहेको शुक्रबारे प्रहरी चौकीका प्रहरी सहायक निरिक्षक कृष्ण बहादुर बस्नेतले जानकारी दिनुभएको छ ।

अचानक गुडिरहेको ट्रकको  स्ट्रिङ जाम हुँदा उक्त मिनि ट्रक सडकबाट करीव  ३० मिटर  तल झरेको शुक्रबारे प्रहरी चौकिका प्रहरी सहायक निरीक्षकले बताउनु भएको छ।